اخر الاخبار

"عبد الله الجزار"يفضح طارق عبد الجابر "حكاية مخبر"


الإعلامي والمذيع بقناة تي ار تي التركية الناطقة بالعربية ، والمذيع السابق بقناة الشرق ، "عبد الله الجزار" كتب على صفحته بموقع التواصل الإجتماعي فيس بوك ، تحذيرا وجهه للإعلامي "طارق عبد الجابر بأنه يمكنه فضحه،
وأكد الجزار أنه يمتلك الكثير والكثير من الأسرار منذ كان زميلا لعبد الجابر في قناة الشرق.

وقد بدأ الجزار تدوينته بالقول : مبعرفش اسكت عن القذارة ، 

وأضاف ساخرا : "شبه المذيع طارق عبدالجابر  "حكاية مخبر"..

ثم وجه حديثه لمتابعيه قائلا : "بصوا يا جماعه وهحاول اختصر فعلاً واعذروني النهارده في اللي هقوله يمكن لأول مره وعارف انه يمكن متاخر شويه بس انا مش بحب ادخل نفسي في حوارات فارغة لشخص ملهوش اي قيمة لا عندي ولا عند ناس كتير اعرفهم .. 
باختصار .. 
الأخ طارق عبدالجابر عامل حوار كبير عريض مع "البوابة نيوز" وعمال يطلع في القنوات يشحت بمرضه اللي هو اصلا شكله حوار " ده علي اساس مثلاً اننا مكناش شاكين من زمان انه مخبر وهينزل مصر"
لا وبيقول ان أيمن نور ورا انضمامه للشرق وتقريبا نسي انه كان بيعيط لايمن نور عشان يخلي باسم خفاجي يوافق يشغله .. البيه ناسي انه كان هيبوس الأيادي عشان يشتغل في قناة الشرق وقبلها بردة كان بيروح لقناة اسمها " القناة " ..

وأضاف : "المهم انه بيقول ان باسم خفاجي وراء تمويل قنوات الاخوان " مع العلم ان باسم خفاجي في خلاف كبير مع الاخوان ،، خصوصا في فترة عرض بيع قناة الشرق لما الاخوان قالوا هنشتريها ولكن لم يتم البيع بسبب بعض الخلافات وبعض حاجات تقدروا تقولوا عليها عدم تقدير من الاخوان لباسم خفاجي وللعاملين فيها كمان " .. مع احترامي للجميع .

واستطرد قائلا : "اما عن موضوع صفية وان قناة الشرق هي وراء محاولة اغتيالها .. "اذا كان صفية لاخر ايام في الشرق كانت معانا .. اه كانت في اجازه مفتوحة بس كانت علي قوة القناة .. وهي بنفسها اصلا متكلمتش ولا قالت ان الشرق هي اللي عملت كده ولا حتي تحريات المباحث التركيه قالت كده .. حتي لو ظهر بعض التقصير من الاداره اللي كانت وقتها ده لا يعطيك الحق انك تتكلم باسمها بقالك سنه " ..

وعن الإعلاميين معتز مطر ومحمد ناصر قال الجزار : 
"بخصوص معتز مطر و محمد ناصر ، فهما مش مخبرين ولا شغالين مع السيسي عشان يطلبوا السماح من اللي مشغلينك وانت عارف ان انت نفسك مبتطلبش السماح من الشعب المصري زي مهو مكتوب .. انت بتتذلل للي مشغلينك برده عشان يرضوا ويراضوك بأي شغلانه بعد النمره الجميلة بتاعتك .. 

وتابع موجها حديثه لعبد الجابر : "بتقول كمان ان الاخوان لازم يعرفوا ان ثورة_٣٠_سونيا هي ثوره شعب " طب هو حضرتك مقولتش ليه كده لما كنت في الشرق انها ثوره وكنت بتقول انهم خونه وعملا وجواسيس ؟!!
علي الرغم ان عُمر محد قالك تقول ايه ومتقولش ايه !!! "
 
وأضاف :"مهو حاجه من تلاته .. اما انك مخبر وبتحور من الاول علينا وعلي ضميرك .. او ان مرضك ده مش مرض في المعده .. لا .. ده مرض في العقل او كان عندك فقدان في الذاكره ورجعتلك علي غفله ..
وصحيح المناسبة بردة حوار ان السيسي بطل قومي .. برده دي مكنتش في بالك ولا ايه !!

ثم ختم تدوينته بالقول :"للعلم يا جماعة  طارق عارف كويس انه مش مطلوب في مصر .. ولا عليه قواضي .. ولو كان نزل في هدوء محدش كان قرب منه .. بس زي مقولتلكم .. " النمره بردة ليها حلاوتها " 


ثم وجه كلمة أخيرة لطارق عبدالجابر  قال فيها :
"متنساش التحقيق اللي حصل معاك عن واقعة ستوديو قناة الشرق والشاب المغربي والتركي .. تذكر دي كويس قووي وتذكر ان والله العظيم كل واحد في قناة الشرق لو قال كلمه واحده هيفضحك وكل واحد عنده الكتير اللي يتكلم بيه .. بس للاسف ناس طيبيين أوي يا خااال . 

وتابع : "في النهاية حق عليا اقول الحقيقه عن المكان اللي اشتغلت فيه اكتر من سنه ونص عشان محدش يقول انت بتتكلم ليه "
 
ثم علق ساخرا على الإعلامي "طارق عبد الجابر ": المخبرين لادين لهم 

جدير بالذكر أن الإعلامي "طارق عبد الجابر" بعد عمله لأكثر من عام مع قناة الشرق ، أعلن مؤخرا تبرؤه منها وندمه على مناهضته الإنقلاب ، وطالب بعودته لمصر ، وأجرى حوارات عدة مع صحف وبرامج يؤكد فيها على اعترافه بالسيسي رئيسا لمصر وبثورة 30 يونيو كثورة شعبية ، ووجه شتائم وانتقادات حادة لجماعة الإخوان المسلمين وفريق الشرعية ، وقد صرحت السلطات المصرية منذ أيام بسماحها له بالعودة ، ليعلن هو عن موعد وصوله لمصر غدا الاثنين.

شاهد التدوينة




0 التعليقات

Leave a Reply

Related Posts Plugin for WordPress, Blogger...
Copyright © سونيا نيوز .